ကျွန်တော်ကအိမ်မှာအငယ်ဆုံးဆိုတော့ အလိုလိုက်ခံရတော့ အသက်ကြီးလာပေမယ့် ကိုယ့်ကိုအလိုလိုက်တဲ့သူနဲ့မှ အဆင်ပြေတတ်ပါတယ်..။ ဘယ်သူတွေနဲ့များများအဆင်ပြေတတ်လည်းဆိုတော့ အသက်ကြီးတဲ့မမတွေ၊ ဆရာမတွေနဲ့မှ အဆင်ပြေတတ်ပါတယ်..။ ကျွန်တော့်မှာ ကျွန်တော့်ကိုချစ်တဲ့ ဆရာမ တစ်ယောက်ရှိပါတယ်..။ ကျွန်တော်ကလည်းချစ်ပါတယ်..။ ဆရာမကလည်း စာတွေကျက်ရင်းကြိုးစားရင်းနဲ့ တစ်ကိုယ်တည်းနေတာကိုသဘောအကျကြီးကျ၊ အထာကျနေတဲ့သူပါ..။ အဲဒီဆရာမနဲ့ ခင်မင်ရင်း၊ ရင်းနှီးရင်း ဆရာမ မိသားစုနဲ့ပါ ခင်မင်လာပါတယ်..။ ဆရာမရဲ့ အဖေနဲ့အမေနဲ့က ကျက်သရေရှိစွာ..အသက် ၈၀ ကျော်ထိ သန်သန်မာမာနဲ့ လိုက်ဖက်ညီညီရှိလှပါတယ်..။ ဆရာမဆီကမှတစ်ဆင့် ဆရာအဖေရဲ့ သြ၀ါဒတွေကို လေးစားဖွယ်ကြားသိရပါတယ်..။
ကျွန်တော်တို့အညာသူတွေက ဆိုင်ကယ်စီးလေ့ရှိကြပါတယ်..။ ကျွန်တော်လည်းကျောင်းတက်တိုင်း အမေကဆိုင်ကယ်ဝယ်ပေးလို့ ဆိုင်ကယ်နဲ့ရင်းနှီးလှပါတယ်..။ ရေစက်မကုန်တဲ့ဆရာမနဲ့ကျွန်တော်နဲ့ဟာ မန္တလေးမြို့မှာလည်းပြန်ဆုံကြပါတယ်..။ ဒီအခါဆရာမနဲ့ကျွန်တော်နဲ့က တွေ့လို့ရတဲ့အချိန်တိုင်း အချိန်ကိုက်ပြီး မန္တလေးမှာ တွေ့ပြီး ဟိုဒီသွားလေ့ရှိပါတယ်..။ ဆိုင်ကယ်မောင်းတိုင်း ဆရာမအမြဲပြောလေ့ရှိတဲ့စကားက "သမီး ဆိုက္ကာသမားတွေ သွားပလေစေ..၊ ရပ်စောင့်ပေးနေလိုက်..။ ကိုယ်က စက်နဲ့မောင်းတာ မပင်ပန်းဘူး..၊ သူတို့က ခွန်အားနဲ့ရင်းပြီး နင်းရတာ " တဲ့..။ လေးစားဖို့ကောင်းတဲ့ဆရာမစကားက ဘယ်ကလာသလဲဆိုတော့ သူ့အဖေရဲ့ဆုံးမစကားပါတဲ့..။ လေးစားလိုက်နာဖွယ်ကောင်းလို့ ကျွန်တော်အမြဲ လိုက်နာပါတယ်..။ အဲလိုနေရာတွေမှာတင်မကဘဲ အားနွဲ့တဲ့သူ၊ ခွန်အားနည်းတဲ့သူတွေဆိုလည်း ဖေးကူမိတတ်၊ ဖေးကူချင်မိတတ်ပါတယ်..။
နေရာတိုင်းမှာ Chicken Soup လေးတွေရှိပါတယ်..။
No comments:
Post a Comment