မိမိကိုယ်ကို ရောင်းချခြင်း..။
အလုပ်တစ်ခုရှာသည်ဆိုခြင်းသည် မိမိအရည်အသွေးကို ရောင်းချခြင်းတစ်မျိူးဟု မှတ်သားမိဘူးပါသည်...။ အလုပ်ရှင်မှလည်း သူ့ဘက်မှလိုအပ်ချက်များများကို ကုန်ကျစားရိတ်နည်းနည်းနှင့် ဖြည့်ဆည်းပေးနိုင်မည့်သူမျိူးကို ရှာဖွေခန့်အပ်ကြဖို့ ကြိုးစားကြသည်မှာ ဓမ္မတာဖြစ်ပါသည်..။ အလုပ်ရှာသူများဘက်မှလည်း အလုပ်ရှင်များလိုအပ်တတ်သောအရည်အချင်းများကို တတ်အားသမျှဖြည့်ဆည်းကာ မိမိနှင့်အရည်အချင်းတူသူများနှင့် အပြိုင်တိုးကြရသောအခါ အရည်အချင်းသာသူများက အခွင့်အရေးပိုရတတ်သည်မှာ သဘာဝတရားဖြစ်ပါသည်..။
ယခုမစံပယ်မှာ အလုပ်လုပ်သင့်သော ဘ၀ထဲသို့ခြေစုံပစ်ဝင်ရမည့်အချိန်သို့ရောက်နေပါပြီ..။ ရောက်ခဲ့သည်မှာ ကြာပါပြီ..။ မစံပယ်ကမသိဟန်ဆောင်ကာ နေခဲ့သမျှ လောကကြီးက မသိကျိူးကျွံမပြုဘဲ နင်အချိန်တန်ပြီဟု လိုက်လံရှာဖွေကာ အလုပ်လုပ်ခိုင်းနေပါပြီ..။ မစံပယ် မသိကျိူးကျွံ မသိလိုက်မသိဘာသာနေ၍ မရတော့ပါ..။ မိုးလင်းသည်နှင့် ကွန်ပျူတာကိုဖွင့် အလုပ်ဝက်ဆိုဒ်များဖွင့်ကာ အလုပ်တစ်ကြော်ကြော်လျှောက်ရခြင်းသည် မစံပယ်၏ နိစ္စဒူဝ အလုပ်ဖြစ်လာပါပြီ..။
အလုပ်အသည်းအသန်ရှာသောအခါတွင်မှ မစံပယ်စိတ်ထဲစွဲနေအောင် သနားလာခဲ့သောအဖြစ်အပျက်တစ်ခုကို ခဏခဏပြန်ပေါ်ပေါ်လာပါတော့သည်..။ မစံပယ်တို့သည် ချင်းတွင်းမြစ်အနောက်ဘက်ကမ်းတစ်နေရာမှ ဖြစ်ပါသည်..။ မစံပယ်တို့ကျောင်းတက်သောအခါ မုံရွာသို့သွားကာတက်ကြရပါသည်..။ ချင်းတွင်းမြစ်ကို စက်လှေဖြင့်ကူးရပါသည်..။ ထိုအခါ စက်လှေအတက်ဆင်းဍ်ကုန်တင်ကုန်ချအလုပ်သမားများ၊ ဆိုက္ကားသမားများနှင့်ပြည့်ကြပ်နေကာ ခရီးသည်ခေါ်လေ့ရှိပါသည်..။ဆိုက္ကားသမားများ၊ ကုန်တင်ကုန်ချသမားများမှာ အောက်ခြေလူတန်းစားများဟု ပြောမည်ဆိုကပြောနိုင်ပါသည်..။ ထိုအထဲတွင်အရက်သမားအလုပ်သမားများလည်း ပါပါသည်..။
တစ်ခါကမစံပယ်စက်လှေပေါ်မှအဆင်း မုံရွာဆိပ်ကမ်းအရောက် တောင်းကြီးကြီးတစ်လုံးပါသူခရီးသည်ထံမှ ထိုတောင်းကြီးကို ထမ်းဖို့အရေး အလုအယက်ကြိုးစားနေသော ဦးလေးအရွယ် ယောကျာ်းကြီးတစ်ယောက်ကိုတွေ့မိပါသည်..။ ထိုဦးလေးကြီးမှာ တောင်းကိုမနိုင်မနင်းအတင်းထမ်းဖို့ကြိုးစားနေပါသည်..။ ဘေးမှာသန်မာသော ယောကျာ်းသားများကအပြည့်ဖြစ်ပါသည်..။ သူကြိုးစားမထမ်းလျှင်သူများကအလွယ်ဝင်ထမ်းသွားမည်..။ သူဒါကိုမထမ်းလျှင် မနက်စာ (အရက်လည်းဖြစ်ချင်ဖြစ်နိုင်ပါသည်..။) ရမည်မဟုတ်ပါ..။ သူ့မှာလုယက်ကာအတင်းဝင်ထမ်းနေပေမယ့် မျက်နှာမှာအရက်သမားပုံစံဖောင်းကြွနေပါသည်..။
"ငါနိုင်ပါတယ်ကွ..။ ငါနိုင်ပါတယ်ကွ" ဟုအတင်းပြောကာ အတင်းလုထမ်းနေသောထိုဦးလေးကြီးပုံကို ခဏခဏပြန်မြင်နေမိသည်မှာ မစံပယ်တို့လည်း အလုပ်တစ်ခုရဖို့အရေး ဘာတွေဘယ်လိုတတ်ကျောင်း အတင်းကာရောပြသနေမိရသမို့ ဖြစ်ပါသည်..။ အလုပ်အတူလျှောက်နေသော..၊ အလုပ်ရှာတာကြာပြီဖြစ်ပေမယ့် အင်တာဗျူးသာကြိုးကြားကြိုးကြားရလျှက် အကြောင်းပြန်ချက်မရသော အစ်ကိုကြီးတစ်ယောက်ကိုကြည့်ကာလည်း ထိုဦးလေးကြီးကိုပြန်အမှတ်ရမိတတ်ပြန်ပါသည်..။ "ငါသန်ပါသေးတယ်..။ ငါ့ကိုခိုင်းကြပါ" ဟု တကြော်ကြော်အော်နေသော်လည်း အလုပ်မှာ ရချင်မှသာရတတ်ပါသည်..။ မစံပယ်လည်း လက်မှတ်တွေ အောင်စားရင်းတွေတပုံတပင်တွေ ကျွန်မ တတ်ပါတယ်ရှင်ဟု လည်ချောင်းကွဲအောင်အော်သော်လည်း မရနိုင်ပါ..။ လက်ချောင်းပူအောင် အလုပ်လျှောက်သော်လည်း အင်တာဗျူးပင်မရလာသေးပါ..။ ထိုအခါတိုင်း ငါနိုင်ပါတယ်ကွ ငါနိုင်ပါတယ်ဆိုပြီး အတင်းလုကာထမ်းနေသော အလုပ်သမားဦးလေးကြီးကိုသာ ပြန်ပြန်အမှတ်ရမိနေပါသည်..။
ကျွန်မလည်းအလုပ်လိုချင်ပါတယ်ရှင်..။ ကျွန်မကို ခိုင်းကြပါ..။
Subscribe to:
Post Comments (Atom)
အလုပ်အကိုင် အခွင့်အလမ်းအတွက်သာမက ကိစ္စများမြောင်အတွက် လူတွေအချင်းချင်းဆက်သွယ်နေရတာ သတိပြုမိဖူးပါတယ်။
ReplyDeleteတစ်စုံတစ်ဦး သို့မဟုတ် မိမိရွေးခြယ်စူးစိုက်လိုလားတဲ့ လူအများက မိမိအလိုဆန္ဒပြည့်ဝအောင် လိုက်လျောလာစေဖို့ ဆွဲဆောင်သိမ်းသွင်းနိုင်တဲ့ နည်းနာ ပညာရပ်များ (ညှို့ဓါတ်) (လူတွေကိုဆွဲဆောင်နိုင်သော သြဇာ သံလိုက်ဓါတ်) စသည်တို့ ရှိတယ်ရယ်လို့ ယုံကြည်သူတွေ အများကြီးရှိပါတယ်။ စိတ်ပါဝင်စားလျှင် အချိန်အနည်းငယ်ပေးကာ လေ့လာကျင့်သုံးသင့်ကြောင်း အကြံပြုလိုပါတယ်။
ဒါဟာ မိမိစိတ်ကို ဖြေသိမ့်လှည့်စားတာသက်သက် မဟုတ်သလို ဘာသာရေးအမြင် အချို့နဲ့လွဲချော်လွတ်ကင်းနေခြင်းမရှိပါဘူး၊ ပဉ္စလက်နည်းပညာ မှော်အတတ်နဲ့ အောက်လမ်းနည်း တွေလဲ မဟုတ်ပါဘူး။
အလွယ်တကူ လက်လှမ်းမီ လေ့လာဖတ်ရှုနိုင်တာ တချို့ကို ညွှန်းရလျှင် စာရေးဆရာ မင်းသိင်္ခ ရေးတဲ့ ၀တ္တုအချို့မှာ ဒီသဘောတရားတွေကို ၀တ္တုဇာတ်လမ်း ဇာတ်ကွက်များအသွင် မိတ်ဆက်သင်ကြားပေးထားတာ တွေ့မြင်နိုင်ကြပါတယ်။
ဆင်ခြင်အလေးထားသိမြင်စေဖို့ စီစဉ်ရေးဖွဲ့တာတွေအပေါ် အတွေးနယ်ချဲ့ကျော်လွန်ပြီး ဂမ္ဘီရနယ်အထိ မျှော်တွေးကာ မလိုတာတွေကိုမယူမိစေဖို့ သတိလိုကြောင်းလည်း စေတနာအပြည့်ဖြင့် အသိပေးလိုပါတယ်။
အထက်မီးအောက်မီးပေးရတဲ့ မုန့်ကို ရောင်းချသူကအစ ရတနာရွှေငွေကုန်သည် သူဌေးမလေး မမိုးကောင်းတို့အထိ ဆွဲဆောင်နိုင်စွမ်းနဲ့ အပြုသဘော ထင်မြင်ယုံကြည်ပုံဖေါ်ကြည့်တဲ့အလေ့အထရဲ့ အစွမ်း လက်တွေ့အသုံးချ အောင်မြင်မှုရတာတွေကို သာဓက .သဘာလေ့လာနိုင်ပါတယ်။
လူတချို့အတွက် လက်မှတ်နဲ့ အတတ်ပညာတွေ လုံးဝ ထုတ်မပြပဲနဲ့ တစ်ဖက်သားက လိုလိုလားလား အကျိုးဆောင်ကူညီလိုတာတွေ ကူညီဆောင်ရွက်တာတွေ တွေ့ဖူးကြမှာပါ။
အစ်မ စံပယ်နှင့်တဟ်ကွ အသုံးချဖို့လိုအပ်နေသူများအားလုံး အသုံးဝင် အသုံးကျစေဖို့ မိမိထင်မြင်ချက်ကို စေတနာရှေ့ထား တင်ပြပေးလိုက်ပါတယ်ရှင်။
(သဘောမတိုက်ဆိုင် အသုံးမ၀င်ခဲ့ပါက ပေလျကံထား၍ လစ်လျူရှု သွားကြပါကုန်)