ဒီအကြောင်းရေးဖို့စိတ်ထဲရောက်နေတာ တော်တော်ကြာနေပါပြီ...။ ရေးမယ်ရေးမယ်နဲ့ မကောင်းပါဘူးလေဆိုပြီး မရေးဘဲနေနေနေတာပါ..။ အခုတော့ဘလော့ကဘာကိုဦးတည်တဲ့ဘလော့လဲဆိုတာ သတ်မှတ်လို့မရသေးတဲ့ ဘလော့ရေးတဲ့သူကိုယ်တိုင် ဘာကိုအားသန်မှန်းကိုယ်ဘာသာ သုံးသပ်ဆဲကာလလို့ပဲဆိုရပါလိမ့်မယ်...။
မစံပယ်စိတ်ထဲအမှတ်ထင်ထင်သိရှိလာတဲ့အကြောင်းအရာတစ်ခုကို ပြန်ဖောက်သည်ချခြင်းလို့ပဲသတ်မှတ်ပေးပါ..။
ဘာလို့အပျိူကြီးဖြစ်ကြတာလဲ...?
မစံပယ်စဉ်းစားမိသလောက်ဆိုရင် အပျိူကြီးဖြစ်ရခြင်းအကြောင်းရင်းတွေ ရှိပါတယ်..။ မစံပယ်စဉ်းစားမိသလောက်ပြောချင်ပါတယ်...။
(၁)ကိုယ်လုပ်ချင်တဲ့ Target မပြည့်မီသေးလို့ နောက်မှရည်းစားထားမယ်လို့အချိန်ရွှေ့ရင်း အချိန်ကုန်သွားလို့...၊ အချိန်လွန်သွားလို့....။
(၂)ကိုယ်မှန်းထားတဲ့အရည်အချင်းရှိတဲ့သူမျိူး မတွေ့ရလို့..။
(၃)ဆရာလုပ်ချင်တယ်..။ တော်တော်များများကိုယ်သိတယ်..။ ကိုယ်လုပ်တတ်တယ်လို့ယူဆတယ်..။ အဆိုးဆုံးကတော့ ကိုယ်လုပ်မှကောင်းတယ်..။ ကိုယ်မပါရင်ဘယ်ဟာမှကောင်းကောင်းမပြီးသွားဘူးလို့ ယူဆတယ်..။
ဒီနှစ်ချက်ကတော့ မစံပယ်ကိုယ်တိုင်ကြုံတွေ့ခဲ့ရတဲ့ တစ်ချက်နဲ့ မစံပယ်နဲ့ခင်တဲ့ညီမလေးတစ်ယောက်ကြုံတွေ့နေတဲ့တစ်ချက်ဖြစ်ပါတယ်..။
အပျိူကြီးတွေရဲ့စရိုက်လက္ခဏာ...။
လာပြီ မစံပယ်ပြောချင်တဲ့အပိုင်း..။ အပုပ်ချတယ်လို့မထင်စေချင်ပါ...။ သတိထားမိလောက်အောင်ကို အပျိူကြီးဖြစ်ဖို့ထိုက်တန်တဲ့ အပျိူကြီးနှစ်ယောက်တွေ့ခဲ့ဘူးပါတယ်...။ တစ်ယောက်ကမစံပယ်ဆရာမအရင်းပါ..။ ဆရာနဲ့တပည့်နားလည်မှူရ ချစ်ခင်သွားတဲ့နောက်မှာ မစံပယ်က မစံပယ်ရဲ့ဆရာမနဲ့ ရင်းရင်းနှီးနှီး သွေးသားရင်းချာလိုခင်မင်ခဲ့ကြပါတယ်..။ အဲဒီမှာဆရာမရဲ့ အပျိူကြီးလက္ခဏာလေးတွေ မစံပယ်သတိထားမိလာတာပါ..။ အဲဒီအချိန်က ဆရာမက အသက် ၃၇ ထဲလောက်မှာပါ..။ မစံပယ်က ၂၆ လောက်ပေါ့နော်...။ ဆရာမဆီအလည်သွားပြီး ဆရာမနဲ့တစ်ခုတင်တည်း အတူအိပ်ကြပါတယ်...။ ဆရာမအသန့်အပြန့်ကြိုက်တာကတော့ ထည့်မပြောတော့ပါဘူး..။ သန့်ပြီးတောက်ပြောင်နေတဲ့ သန့်ဖြူသစ်ပါ...။ အဲဒီမှာ ဆရာမက မစံပယ်ဘာလေးလုပ်လုပ် ပန်းကန်လေးဆေးတာကအစ သမီးဘယ်လိုလေးဆေးလိုက်...၊ သမီး ပန်းကန်ကိုဘယ်လိုလေးထား..၊ သမီး လမ်းကချော်တယ် ဖြေးဖြေးသတိထားသွား...၊ သမီး ပန်းကန်ကိုဘယ်လိုမှောက်ဆိုတာတွေ အသေးစိပ်ကစလိုက်ပြောနေပါတယ်..။ မစံပယ်ကအခုပြန်ရေးပြနေတာက ငြိုငြင်လို့မဟုတ်ပါဘူး...။ မစံပယ်က ဆရာမအသေးစိပ်လေးတွေကအစ လိုက်ပြောနေတာကို ဆရာမစိတ်ကြိုက်နေနိုင်ခဲ့ပါတယ်..။ ဒါပေမယ့် မစံပယ်စိတ်ထဲ အော်.. ငါ့ဆရာမ ဒါကြောင့်လည်းအပျိူကြီးဖြစ်တာကိုး လို့ သတ်မှတ်မိပါတယ်..။ သူအသေးစိပ်လိုက်ညွှန်ကြားပြသပေးနေတဲ့ မစံပယ်က အသက်၂၆ ၂၇ ပါ..။ ဒါကြီးကိုအသေးစိပ်ထိ သူ့စိတ်တိုင်းကျဖြစ်ချင်နေတဲ့ဆရာမရဲ့ ဆရာလုပ်ချင်တဲ့စိတ်ကြောင့် အပျိူကြီးဘ၀မှာမြဲနေတာလို့ မစံပယ်သတ်မှတ်မိပါတယ်..။
တကယ်တော့ဆရာမမှာ သူနဲ့သက်တူရွယ်တူ လူပျိူသူငယ်ချင်းတစ်ယောက်ရှိပါသေးတယ်..။ သူတို့ဇာတ်လမ်းကလည်း ဘာလိုလိုညာလိုလိုနဲ့ အဲဒီလူပျိူကြီးက မစလာပါဘူး..။ ဒါပေမယ့်ပုံစံကြည့်ရတာက ဆရာမကိုယူလည်းယူချင်တယ်..။ ဆရာလုပ်လွန်းတော့ သူနဲ့ သူ့ညီမတွေနဲ့ ရေရှည်မှာအဆင်ပြေနိုင်မယ်မထင်ဘူးဆိုပြီး ရှေ့မဆက်တော့ပုံလို့ မစံပယ်ယူဆပါတယ်..။ ဘယ်အချက်တွေကအဲဒီအစ်ကိုကိုစိတ်ပျက်စေလဲဆိုရင် တစ်ခါကမစံပယ်ဆရာမနဲ့အဲဒီဆရာမသူငယ်ချင်းလူပျိူအစ်ကိုကြီးနဲ့ အဲဒီအစ်ကိုကြီးမြို့ကိုလူကြုံပစ္စည်းပို့ဖို့ ရန်ကုန်ကားဂိတ်ကိုအတူတူသွားကြတယ်တဲ့...။ ဟိုရောက်တော့မှ အထုပ်ကကြိုးချည်ပြီး လေဘယ်တပ်ဖို့လုပ်တာ အစ်ကိုကြီးက အေးစက်စက်စိုစိစိနဲ့လုပ်နေတယ်တဲ့...။ အဲဒါကိုစိတ်မရှည်တဲ့မစံပယ်ဆရာမက သူပဲကြိုးရှာ..၊ သူပဲချည်..၊သူပဲတုပ်ပြီး..၊ သူပဲလေဘယ်တပ်..၊ သူပဲပစ္စည်းအပ်တာတွေလုပ်ပြီး သူငယ်ချင်းကို နင်ဖယ် နင်ဖယ်လို့ နောက်ကထားပါတယ်တဲ့..။ အဲဒါနဲ့ဟိုလူပျိူကြီးကလည်း မစံပယ်တို့ဆရာမကို ဘယ်တော့မှရည်းစားစကားမပြောတော့တာလို့ မစံပယ်ကယူဆပါတယ်...။ ဆရာမက ဘာလေးလုပ်လုပ်သူလုပ်မှဟုတ်တယ်ထင်တဲ့ စိတ်လေးက၀င်နေပါပြီ.....။ ယောကျာ်းတွေကိုအထင်မကြီးသလိုလိုပုံကလည်း ဖမ်းထားတာလား...၊ တကယ်လားမသိနိုင်ပါဘူး..။ အသန့်ရှင်းကြိုက်တယ်..၊ ဆရာလုပ်ချင်တယ်..။ ငါလုပ်တာမှအကောင်း...၊ ငါလုပ်တာမှအမှန်လို့ ယူဆတတ်တယ်...။ ဘယ်အရာမှသူမပါဘဲပြီးသွားတာမျိူးမရှိစေချင်ဘူး...။ သူပါမှပြီးတယ်..၊ ကောင်းတယ်လို့ယူဆတယ်..။ ဒါက ဆရာမဆီကနေသိလာတဲ့ အပျိူကြီးလက္ခဏာတွေပါ...။
နောက်တစ်ယောက်ကတော့ အဆောင်နေတော့ ဟိုဘက်ခန်းဒီဘက်ခန်း ၇လ ၈လလောက်နေဘူးတဲ့ အပျိူကြီးမမတစ်ယောက်ပါ..။ အဲဒီအစ်မက အသန့်ရှင်းကြိုက်တာ..။ စတိုင်ထွားအောင်နေတာ..။ ပိုက်ဆံကိုကပ်စေးနှဲတာ..။ အဲဒီအစ်မကကျတော့ မနက်တိုင်းအလုပ်မသွားခင် အားလုံးကိုသေချာသိမ်းသွားတတ်ပါတယ်..။ ပြီးတော့မစံပယ်တို့ကို ဂုဏ်ယူစွာနဲ့ပြောတယ်..။ အစ်မကလေ အင်္ကျီတွေဆို ညီ.........နေအောင်သေချာခေါက်တာ..။ စာအုပ်အနှောင့်တွေဆို ညီ......နေအောင်သေချာထားတာ.. စသဖြင့် မစံပယ်တို့ကို သူသန့်ရှင်းရေးဘယ်လိုလုပ်တယ်ဆိုတာ ဂုဏ်ယူစွာပြောပြပါတယ်..။ သူပြောတဲ့ပုံစံကို မစံပယ်ဖြင့်ခုထိမျက်စိထဲမြင်နေတုံးပါပဲ..။ အဲဒီတုံးကမစံပယ်ကလည်း ဘဲ ဆိုတာ ဘယ်မှာရှိမှန်းမသိတဲ့သူလေ..။ ပြီးတော့ဆက်ပြောသေးတယ်..။ အခုအချိန်ထိ အစ်မအသက်တစ်လျှောက် ဘယ်ယောကျာ်းလေးမှ ချစ်တယ်.......ဆိုတာ မပြောဘူးသေးဘူး လို့ မစံပယ်တို့ကို အမှန်အတိုင်းရင်ဖွင့်တာလား..၊ ဂုဏ်ယူပြီးပြောတာလားမသိပါဘူး..။ အဲဒီတော့သူ့အသက်က ၃၆ ထဲရောက်ပါပြီ..။ မစံပယ်စိတ်ထဲတော့ သူအဲဒါကိုဂုဏ်ယူသလိုမယူပါဘူး..။ စိတ်ထဲကတော့ အောင်မငေး ဒီအရွယ်အထိ ရည်းစားစကားအပြောမခံခဲ့ရဘူးလားမသိလို့ ရယ်ချင်မိပါတယ်..။
ဒါပေမယ့်မထင်နဲ့နော်..။ facebook ကနေ မသိတဲ့လူတွေလက်ခံပြီးတော့ သူလက်ခံနိုင်လောက်တဲ့သူတွေကို အပြင်မှာတွေ့တာတွေ ဘာတွေတော့ လုပ်ပါတယ်..။ သူကတော့ သူ့ကိုယ်သူစမတ်ကျအောင် ကျော့မော့သန့်ရှင်းအောင်နေရင်း ကြိုးစားရင်း လုပ်ကိုင်ရင်း... အော် သူပြောတယ်.. သူအထင်ကြီးလောက်တဲ့သူ တွေ့ကိုမတွေ့သေးဘူးလို့..။ မစံပယ်ကတော့ ရယ်မောရင်းနဲ့ အဲဒီအစ်မကို အနော်ကတော့ ယောကျာ်းယူကိုယူမှာ...၊ အသန့်ရှင်းလည်းသိပ်မကြိုက်လှပါဘူးလို့ ပြန်ပြောလိုက်တယ် ကွယ်..။ ငှဲ ငှဲ ငှဲ..။ (တီချမ်းလေသံနဲ့..။)
No comments:
Post a Comment