အမေပိန်သွားသည်တဲ့..။
စိတ်မကောင်းလိုက်တာ..။ ဖုန်းခေါ်လို့ကလည်းမရ..။ အမေနဲ့အတူတူနေချင်သည်..။ ဘ၀တစ်လျှောက်လုံး အမေ့ဘေးမှာ အပူအပင်ကင်းကင်းနေချင်သည်..။ ဒါပေမယ့် ဆန္ဒဇောကမရ..။ တိုးတက်ချင်သည်..။ ဒီလောက်နဲ့အားမရ..။
အမေ့ဘေးမှာနေကာ အမေချက်ကြွေးသောထမင်းကိုစားကာ ဘာကိုမှရှေ့ကလုပ်စရာမလိုဘဲ အမေပြီးမှ လိုက်ပြီးရသော သမီးကလေးဘ၀ဘဲ နေလိုက်ချင်သည်..။ ဒါပေမယ့် ဆန္ဒဇောတစုံတရာက မရ..။
ရုန်းကန်လှူပ်ရှားနေမှဘ၀ဟု အမေက ပါးစပ်ကမပြောဘဲလက်တွေ့သရုပ်ပြသခဲ့သည်..။ ထို့ကြောင့် သမီးလည်း ရုန်းကန်လှူပ်ရှားရမည့်ဘ၀ကိုရွေးခဲ့သည်..။ သို့သော်အမေနှင့်ဝေးခဲ့ရသည်..။ အမေနှင့်အတူတူနေချင်သည်..။ အရာရာကို ကိုယ်ပဲဦးဆောင် ကိုယ်ပဲဆုံးဖြတ် လူကြီးလုပ်ရသော ဘ၀မှ တခါတရံ ထွက်ပြေးလွတ်မြောက်ချင်သည်..။
သည်းခြေအိတ်ကျောက်တည်တဲ့..။ အင်တာနက်မှ ရှာဖတ်ရဦးမည်..။ လူကြီးဘ၀..၊ သူနာဘ၀ကို အမေ့ကို သက်သက်သာသာဖြတ်သန်းစေချင်သည်..။ အမေ့ရဲ့ဆပ်မကုန်နိုင်တဲ့ ကျေးဇူးတွေကို နိုင်သလောက်တော့ ပြန်ဆပ်ချင်သည်..။
အမေနေကောင်းပါစေ..။
မစံပယ်
No comments:
Post a Comment